Կոլումբիայի համալսարանի գիտնականները մկների ուղեղում հատուկ նեյրոններ, որոնք են հայտնաբերել օրգանիզմին հուշում են դադարեցնել ուտելը: Ավելի վաղ գիտնականները հետևել էին հագեցվածության համար պատասխանատու ազդանշանների շղթան ընդհուպ ուղեղի ցողուն, բայց այնտեղ հետքը կորում էր: Ներկայում նրանց հաջողվել է գտնել այն կոնկրետ բջիջները, որոնք պատասխանատու են ուտելուց հրաժարվելու որոշում ընդունելու համար։
«Ըստ էության, այս նեյրոնները կարող են առնել սննդամթերքի հոտը, զգալ այն բերանի և աղիքների մեջ և մեկնաբանել աղիքային հորմոնները, որոնք արտազատվում են ի պատասխան ուտելու: Դրանք կիրառում են այս ամբողջ տեղեկատվությունը՝ որոշելու համար, թե երբ է կանգ առնելու ժամանակը», - պարզաբանեց հետազոտության հեղինակներից մեկը՝ Ալեքսանդր Նեկտովը:
Փորձը ցույց է տվել, որ նեյրոնները կարող են ակտիվանալ լույսի միջոցով, գրում է Bild պարբերականը։ Երբ գիտնականները դրանք միացրին ենթափորձային մկներին, նրանք սկսեցին զգալիորեն ավելի քիչ ուտել, իսկ երբ բջիջները բարձր ակտիվություն էին ցուցաբերում, մկները գրեթե անմիջապես դադարեցին ուտել:
«Ուշագրավ է, որ այս նեյրոնները ոչ միայն ազդանշան են տալիս դադարեցնելու անհրաժեշտութան մասին, այլև օգնում են աստիճանաբար դանդաղեցնել ուտելը», - ասում է հետազոտության մեկ այլ հեղինակ՝ Շրիկանտա Չաուդհուրին:
Էսսենի համալսարանական հիվանդանոցի պրոֆեսոր Քրիստոֆ Կլայնշնիցը կարծում է, որ այս հայտնագործությունը կարող է փոխել ճարպակալումը բուժելու մոտեցումը:
«Քանի որ այս նեյրոնները տեղակայված են ուղեղի մի հատվածում, որն առկա է բոլոր կաթնասունների մոտ, արդյունքները կարող են հրատապ լինել նաև մարդկանց համար», - ավելացրեց նա: