Նիհարել ցանկացողների համար կարևոր է իմանալ՝ որոշ ածխաջրային մթերքներ ոչ միայն չեն օգնում, այլև խանգարում են քաշը նվազեցնել։ Դրանք նպաստում են արյան շաքարի մակարդակի կտրուկ տատանումներին, առաջացնում են հոգնածություն, քաղցի զգացում և վնասակար սննդի հանդեպ ձգում։շ
Ահա այն մթերքները, որոնք ցանկալի է հնարավորինս նվազեցնել սննդակարգում․
-
Չիպսեր – պարունակում են շատ կալորիա և վնասակար ճարպեր, սակայն չեն տալիս անհրաժեշտ սննդարար նյութեր։
-
Քաղցր նախաճաշային հացահատիկներ – 2023-ի հետազոտությամբ ապացուցվել է, որ դրանց մեծ քանակությամբ օգտագործումը խանգարում է նիհարելուն։
-
Սպիտակ հաց – արագ մարսվող, ուլտրամշակված ածխաջուր է, որը նպաստում է արյան շաքարի բարձրացմանը։
-
Կարտոֆիլի ֆրի. – պարբերաբար օգտագործողները 4 տարվա ընթացքում միջինում ավելացրել են 1.8 կգ քաշ, մինչդեռ կարտոֆիլի խյուս ուտողները՝ ընդամենը 0.4 կգ։
-
Գազավորված ըմպելիքներ – դրանց և ավելորդ քաշի միջև կապը հաստատվել է բազմաթիվ ուսումնասիրություններով։
-
Թխվածքաբլիթներ և այլ քաղցրավենիք – պարունակում են մեծ քանակությամբ շաքար, ճարպ և կալորիա։ Ավելի առողջ այլընտրանքներ են չիա պուդինգը, բանանով պաղպաղակը։
-
Յոգուրտներ – մեկ փոքր տարայով յոգուրտը երբեմն պարունակում է մինչև երեք թեյի գդալ շաքար։ Խուսափեք այն տեսակից, որտեղ շաքարը նշված է որպես երկրորդ բաղադրիչ։
-
Հացահատիկային բատոններ – նախընտրելի են նրանք, որոնք պարունակում են ոչ ավելի, քան 5 գ շաքար և առնվազն 3 գ մանրաթել։
-
Կրեկեր – փոխարենը կարելի է ուտել ամբողջական հացահատիկից պատրաստված կրեկեր կամ պոպկորն։
-
Քաղցրացված սուրճ – նիհարել ցանկացողներին խորհուրդ է տրվում սև սուրճ կամ սուրճ՝ կաթով։ Քաղցրության համար կարելի է ավելացնել դարչին կամ մուսկատ։
Նշենք, որ նյութը տեղեկատվական է և չի փոխարինում բժշկական խորհրդին։ Նախքան սննդակարգում փոփոխություններ կատարելը, դիմեք մասնագետի։