2-րդ տիպի շաքարային դիաբետը կարող է առաջանալ տարբեր պատճառներով։ Դրանցից մեկը ձեր սննդակարգն է։ Ահա թե որ մթերքներն են պարունակում թաքնված շաքար կամ հագեցած ճարպեր, որոնցից խորհուրդ է տրվում խուսափել կամ սահմանափակել դրանց օգտագործումը:
-
Օսլայով հարուստ բանջարեղեն. Այս բանջարեղենները շատ ածխաջրեր են պարունակում։ Դրանց թվին են պատկանում կարտոֆիլը, եգիպտացորենը, կանաչ ոլոռը և դդումի տեսակները։
-
Կարմիր և վերամշակված միս. Մեկ ուսումնասիրություն, որն ընդգրկել է ավելի քան 63,000 չինացի մեծահասակների, ցույց է տվել, որ կարմիր մսի օգտագործումը մեծացնում է 2-րդ տիպի շաքարային դիաբետի զարգացման հավանականությունը։ Ընդ որում, այս կապն ավելի ուժեղ է եղել կանանց մոտ։
-
Վերամշակված մրգեր. Խոսքը վերաբերում է մրգերին, որոնք վերամշակվել են ջեմերի, ժելեների, քաղցր ուտեստների վերածելու համար։ Չոր մրգերը ևս երբեմն պարունակում են ավելացված շաքար։
-
Սպիտակ բրինձ. Շագանակագույն բրնձի համեմատ՝ այն ավելի քիչ մանրաթելեր, պոլիֆենոլներ և այլ վիտամիններ ու հանքանյութեր է պարունակում։ Այս բրինձն ունի նաև բարձր գլիկեմիկ ինդեքս։
-
Գազավորված ըմպելիքներ. Քաղցր ըմպելիքների (ներառյալ շաքար ավելացված հյութերը, մրգային ըմպելիքները, սպորտային ըմպելիքները, քաղցր թեյը, էներգետիկ ըմպելիքները) օգտագործումը զգալիորեն մեծացնում է 2-րդ տիպի շաքարային դիաբետի զարգացման ռիսկը։ Մեկ ուսումնասիրության համաձայն՝ քաղցր ըմպելիքի յուրաքանչյուր օրական չափաբաժինը 18%-ով մեծացնում է այս ռիսկը։
-
Աղի խորտիկներ. Դրանք կարող են բարձրացնել արյան ճնշումը, ինչը մեծացնում է առողջության հետ կապված այլ խնդիրների, մասնավորապես՝ սրտի կաթվածի, ինսուլտի, երիկամների հիվանդությունների զարգացման ռիսկը։
-
Հացաթխված ձուկ. Թեև ձուկը, ընդհանուր առմամբ, համարվում է առողջարար սնունդ, տապակված և հացի շերտով տարբերակները կարող են բարձրացնել շաքարի և խոլեստերինի մակարդակը։
-
Համեմունքներ և սոուսներ. Կետչուպը, մայոնեզը, բարբեքյու սոուսը և տարբեր աղցանների սոուսներ հաճախ պարունակում են շատ ավելացված շաքար, նատրիում և հագեցած ճարպեր։
Հոդվածը կրում է լրատվական բնույթ և չի կարող հավասարեցվել բժշկի ցուցումներին։ Որոշում կայացնելուց առաջ խորհրդակցեք մասնագետի հետ։