Արհեստական բանականության ոլորտում մասնագետների շուրջ մրցակցությունը հասնում է աննախադեպ մասշտաբների։ Abel ընկերության հիմնադիր Դենիել Ֆրենսիսի խոսքով՝ Meta-ն առաջարկել է 1.25 միլիարդ դոլար (4 տարվա համար) խոշոր AI հետազոտողի, սակայն նա մերժել է առաջարկը։
Այսպիսի թվերն արդեն սովորական են դարձել՝ տեխնոլոգիական հսկաները լավագույն մասնագետներին առաջարկում են վարձատրություն, որը համեմատելի է պրոֆեսիոնալ մարզիկների ու խոշոր ընկերությունների ղեկավարների վարձատրության հետ։
Meta-ն այս ռազմավարությամբ ձգտում է առաջատար դիրքեր զբաղեցնել գեներատիվ AI-ի ոլորտում։ Վերջերս ընկերությունը 14.3 միլիարդ դոլար է ներդրել Scale AI-ում և վարձել է նրա հայտնի տնօրեն Ալեքսանդր Ուանին՝ համատեղ ղեկավարելու Meta Superintelligence Labs-ը։
ԱԲ մասնագետների արտակարգ սղությունը խթանում է նրանց նկատմամբ պահանջարկը։ Գնահատականները ցույց են տալիս, որ համաշխարհային մասշտաբով կան ընդամենը մի քանի հազար մարդ, ովքեր ունեն նորագույն ԱԲ-ի առաջընթացները սնող մոդելներ կառուցելու փորձ։ Արդյունքում, առաջարկվող աշխատավարձերն ու խրախուսանքները աճել են։ Meta-ում փորձառու ինժեներների տարեկան աշխատավարձը հասնում է $440,000-ի։ Միջին օղակի մասնագետների տարեկան ընդհանուր փաթեթը կարող է հասնել 500,000–2 միլիոն դոլարի, իսկ ոլորտի «աստղերը» երբեմն վարձատրվում են ավելի բարձր, քան խոշոր ընկերությունների ղեկավարները։
Մարկ Ցուկերբերգն նույնիսկ անձամբ է հանդիպում AI հետազոտողների հետ՝ փորձելով գրավել լավագույն տաղանդներին։