OpenAI-ի ղեկավար Սեմ Ալթմանը զգուշացրել է, որ ChatGPT-ի հետ զրույցները կարող են օգտագործվել իրավական գործընթացներում։ Եթե դուք կարծում եք, որ այս զրույցներն անվտանգ են և պաշտպանված, ապա սխալվում եք։
Ալթմանը վերջերս հայտարարել է, որ մարդկանց մեծ մասը՝ հատկապես երիտասարդները, ChatGPT-ին վստահում են իրենց անձնական, երբեմն նաև շատ զգայուն հարցերը։ Բայց ինչպես ընդգծել է OpenAI-ի ղեկավարը, այդ զրույցները պաշտպանված չեն օրենքով և կարող են հայտնվել դատարանում։
Նման զրույցները, փաստորեն, չեն համարվում գաղտնի, ինչպես, օրինակ՝ բժշկի, իրավաբանի կամ հոգեբանի հետ խոսակցությունները։ Եթե դատարանը պահանջի, OpenAI-ը կարող է պարտավորված լինել փոխանցել օգտատերերի պատմությունը, նույնսիկ եթե այն արդեն ջնջված է։
«Կարծում եմ՝ դա բացարձակապես սխալ է։ Մենք պետք է նույն մակարդակի գաղտնիություն ունենանք արհեստական բանականության հետ խոսելիս, ինչ որ կունենայինք թերապևտի հետ խոսելիս»,- ասել է Ալթմանը։
Սա վերաբերում է բոլոր օգտատերերին, ովքեր չունեն բաժանորդագրություն, ինչպես նաև Plus, Pro և Team պլաններից օգտվողներին: Enterprise և Edu բաժանորդների զրույցները Արթմանը խոստանում է չպահպանել:
Սեմ Ալթմենը նաև նշել է, որ ներկայում որևէ օրենք չկա, որը պաշտպանություն է տալիս նման զրույցներին։ Նա կոչ է արել կարգավորել ոլորտը և ստեղծել «AI գաղտնիության իրավունք»՝ նման այն պաշտպանությանը, որն ապահովում է, օրինակ, բժշկական գաղտնիությունը։