«Ինտերնետում որոնման արդյունքները փոխվում են․ նախկինում հիմնականում երևում էին սովորական կապույտ հղումներ, իսկ հիմա դրանց փոխարեն ավելի հաճախ հայտնվում են արհեստական բանականության պատասխանները։ Այդ փոփոխությունների հետ միասին ի հայտ են գալիս նոր բրաուզերներ, որտեղ ԱԲ-ն անմիջապես ինտեգրված է աշխատանքի մեջ։ Դրանցից մեկն էլ Perplexity-ի ստեղծած Comet-ն է, որը, ըստ փորձագետների, իրականում կարող է դառնալ Chrome-ի այլընտրանքը։
Ինչո՞վ է Comet-ը տարբերվում
-
Ստեղծված է Chromium-ի հիման վրա, այսինքն՝ հեշտությամբ տեղափոխում է Chrome-ի էջանիշներն ու ընդլայնումները։
-
Փոխարենը Google Search-ի՝ ունի ներկառուցված Perplexity AI որոնիչ։
-
Գլխավոր էջում կան վիջեթներ, առաջարկությունների ժապավեն և Spaces՝ տարածքներ հղումներ, ֆայլեր պահելու ու համատեղ աշխատանքի համար։
Հիմնական «ֆիշկան»
Comet-ում կա ներկառուցված օգնական կողային վահանակում, որը․
-
որոնում է լրացուցիչ ինֆորմացիա առանց նոր ներդիր բացելու,
-
պարզաբանում է անհասկանալի տերմինները,
-
կարող է միաժամանակ աշխատել մի քանի էջերի հետ (օրինակ՝ համեմատել ապրանքներ տարբեր ներդիրներից կամ ամփոփել բացված նյութերը)։
Ինտեգրացիաներ և ավտոմատացում
Comet-ը միանում է Gmail-ին, Google Drive-ին, Dropbox-ին, Notion-ին և այլ ծառայությունների։ Սա թույլ է տալիս ավտոմատացնել գործերը՝ ստուգել օրացույցը, գտնել նամակներ կամ անգամ պատվիրել մթերք։ Կա նաև շորթքաթների համակարգ՝ կրկնվող գործողությունների համար։
Թերությունները
Բրաուզերը համեմատաբար «ծանր» է և պահանջում է հզոր համակարգիչ։ Բայց նրանց համար, ովքեր ուզում են հեռանալ Google-ից և փորձել ԱԲ-ի նոր հնարավորությունները, Comet-ը կարող է դառնալ հետաքրքիր տարբերակ։