Samsung-ը պատրաստվում է ներկայացնել իր առաջին 2 տեղից ծալվող սմարթֆոնը՝ Galaxy Z TriFold-ը, սեպտեմբերի 29-ին։ Սկզբնական շրջանում նորույթը հասանելի կլինի միայն Չինաստանում և Հարավային Կորեայում։
Ըստ ինսայդեր Ice Universe-ի, ընկերությունը նույն օրը Սեուլում կանցկացնի մասշտաբային Galaxy Unpacked միջոցառումը։
Գլխավոր անոնսը կլինի Galaxy Z TriFold-ը՝ ընկերության առաջին 2 տեղից ծալվող սմարթֆոնը՝ երկակի հանգույցով։ Սարքը նախկինում հիշատակվում էր որպես Galaxy G Fold և մի քանի տարի է՝ մշակման փուլում է։
TriFold-ից բացի՝ շնորհանդեսին կարող են ցուցադրել նաև Project Moohan խառը իրականության ակնոցը (հնարավոր է, այն կթողարկվի Galaxy XR անունով) և Galaxy Glasses «խելացի» ակնոցները՝ արհեստական բանականության գործառույթներով։
Ըստ լուրերի՝ XR-սարքը վաճառքի կհանվի հոկտեմբերի 13-ին, իսկ Galaxy Z TriFold-ը՝ 2025 թվականի չորրորդ եռամսյակում։
Նոր սմարթֆոնի գինը կարող է կազմել մոտ $2930․ պատճառը բարդ կառուցվածքն ու թանկ բաղադրիչներն են։ Մինչ այժմ խոսքը միայն Հարավային Կորեայի և Չինաստանի շուկաների մասին է, ուստի գլոբալ թողարկում սպասել դեռ չարժե։