Երբևէ մտածե՞լ եք, որ ձեր հեռախոսում կարող է տեղադրված լինել լրտեսող ծրագիր։ Նույնիսկ եթե հավելվածները ներբեռնում եք միայն պաշտոնական խանութներից, դա 100% պաշտպանություն չի երաշխավորում։ Որոշ ծրագրեր կարող են աննկատելիորեն փոխանցել ձեր տվյալները, հետևել ձեզ կամ նույնիսկ գողանալ տեղեկությունները։
Ինչպե՞ս խուսափել դրանից։ Եկեք վերանայենք հեռախոսը և պարզենք, թե որ հավելվածները կարող են վտանգավոր լինել։
Քայլ 1. Ստուգում ենք, թե ինչ հավելվածներ ունեք տեղադրված
Նույնիսկ առաջին հայացքից անվնաս թվացող հավելվածները կարող են լրտեսներ լինել։ Դրա համար.
- Վերանայեք, թե ինչ եք ներբեռնել։ Բացում ենք հավելվածների ցանկը և տալիս ենք հարց՝ ես ընդհանրապես օգտվո՞ւմ եմ սրանից։
- Հեռացնում ենք ավելորդը։ Եթե ինչ-որ հավելված ներբեռնել եք «ինչ-որ դեպքի համար» կամ «երբ պետք կգա» - համարձակորեն դրեք զամբյուղի մեջ։
- Ստուգում ենք «մոռացված» ծրագրերը։ Պատահում է, որ հավելվածները աշխատում են հետին պլանում, նույնիսկ եթե մենք դրանց մասին մոռացել ենք։
Վերջերս կատարված հետազոտությունները ցույց են տվել, որ «Ո՞վ է այցելել իմ էջը Facebook-ում» կատեգորիայի հավելվածների 60%-ը վտանգավոր է, դրանք օգտատերերի տվյալները փոխանցել են թուրքական սերվերներին։ Ոչ մի հավելված չի կարող ցույց տալ, թե ով է այցելել ձեր էջ դա պարզապես թակարդ է։
Քայլ 2. Ի՞նչը պետք է հաստատ հեռացնել։
Որոշ հավելվածներ գաղտնաբար հետևում են ձեզ, նույնիսկ եթե անվնաս տեսք ունեն։ Ահա ծրագրերի ցանկ, որոնք ավելի լավ է հեռացնել.
- Գաղտնաբառերի կառավարիչներ (կասկածելի)
- Simple Password Manager
- Password Generator & Manager
Այս հավելվածները կարող են գողանալ ձեր տվյալները և ուղարկել դրանք երրորդ անձանց։
- Հեռախոսի «մաքրիչներ» ( Cleaner )
- Speed Cleaner – Phone Booster & Battery Saver
- Phone Cleaner – Clean Ram & Junk Cleaner
Սրանք ոչ միայն անօգուտ են այլև կարող են տվյալներ հավաքել ձեր մասին։
- «Անվնաս» հավելվածներ, որոնք կարող են լրտեսներ լինել
- Super Flashlight (լապտեր)
- Solitaire Game
- Accurate Scanning of QR Code
- Player & iWallpaper
- Video Maker
- Speedometer
Մեր սմարթֆոնները արդեն գիտեն, թե ինչպես անել այս ամենը առանց լրացուցիչ ծրագրերի, և այսպիսի հավելվածները կարող են մուտքի իրավունք պահանջել տվյալների համար, որոնք նրանց անհրաժեշտ չեն։
- Վտանգավոր հավելվածներ լուսանկարների մշակման համար
- Beauty Camera Plus
- Beauty Slimming Photo Editor
Որոշ «գեղեցկության հավելվածներ» մուտքի իրավունք են պահանջում տեսախցիկին, լուսանկարներին և նույնիսկ կոնտակտներին, այնուհետև տվյալները ուղարկում են անհայտ սերվերներին։
Քայլ 3. Ինչպե՞ս պաշտպանել հեռախոսը լրտեսող ծրագրերից։
Եթե հավելվածն արդեն տեղադրված է, այն կարող է.
- Տվյալներ հավաքել ձեր գտնվելու վայրի մասին
- Վերլուծել, թե ինչ եք անում համացանցում
- Տվյալներ փոխանցել գովազդային ցանցերին
Ի՞նչ անել, որ դա տեղի չունենա։
- Հեռացրեք ավելորդ հավելվածները։ Որքան քիչ անպիտան ծրագրեր, այնքան լավ։
- Նայեք, թե ինչ թույլտվություններ է պահանջում հավելվածը։ Նորմալ չէ, եթե լապտերը մուտք ունի տեսախցիկին և կոնտակտներին։ Վտանգավոր է, եթե խաղը պահանջում է գեոլոկացիա, մուտք դեպի զանգեր կամ խոսափող։
Օգտագործեք միայն ստուգված հավելվածներ։
- Դրանք պետք է ունենան բարձր գնահատականներ և շատ արձագանքներ Google Play-ում կամ AppStore-ում։
- Հուսալի մշակողներ - Google, Microsoft, Adobe և այլ խոշոր ընկերություններ։
- Մի ներբեռնեք ծրագրեր այլ կայքերից և Telegram-ալիքներից։ Դրանք կարող են վիրուսներ պարունակել։