Xiaomi-ին պատկանող չինական 8H բրենդը (որը զբաղվում է քնի համար նախատեսված ապրանքների արտադրությամբ) ներկայացրել է Fun Dleep Smart Multi-purpose Bedside Table G1՝ խելացի պահարանը, որն իրականացնում է լուսատուի, անկիզելի պահարանի, լիցքավորիչի և բարձրախոսի գործառույթներ: Սարքը վերջերս է հայտնվել Xiaomi Youpin քրաուդֆանդինգային հարթակում:
Սեղանիկը պատրաստված է պլաստիկից և ալյումինից և հասանելի է երկու պարզ գույներով՝ սպիտակ և սև: Սեղանի մակերեսին կա մեկ անլար Qi ստանդարտի լիցքավորիչ՝ 15 Վտ հզորությամբ: Նախատեսվում է, որ օգտատերը կդնի իր սմարթֆոնը դրա վրա և կքնի: Այդպիսով, անհրաժեշտ չի լինի փնտրել լիցքավորիչը, իսկ առավոտյան սմարթֆոնը լիովին լիցքավորված կլինի և պատրաստ նոր օրվա համար:
Պահարանում կան նաև մի քանի պորտեր այլ սարքերի սնուցման համար: Ընդհանուր առմամբ կա երկու միացման տեղ՝ USB-C և USB-A: Երկուսն էլ աջակցում են 18 Վտ հզորությամբ լիցքավորմանը: Բացի այդ, հետևի մասում կա 240Վ էլեկտրական վարդակ:
Սեղանիկի երկրորդ առանձնահատկությունը ներկառուցված անկիզելի պահարանն է մանր իրերի պահպանման համար: Այն կարելի է ապաբլոկավորել PIN կոդի կամ մատնահետքի միջոցով: Անկիզելի պահարանը պատրաստված է պողպատից և դիմանում է մինչև 80 կգ ծանրությանը:
Երրորդ առանձնահատկությունը ներկառուցված բարձրախոսն է, որը թաքնված է անկիզելի պահարանի տակ: Դրան կարելի է միացնել սմարթֆոններ Bluetooth 5.0-ի միջոցով և լսել երաժշտություն: Եթե գնեք երկու պահարան և տեղադրեք դրանք մահճակալի երկու կողմերում, բարձրախոսները կստեղծեն ստերեո զույգ:
Եվ վերջապես, սեղանիկն ունի դինամիկ լուսավորություն, որը փոխում է իր գույնը՝ կախված օրվա ժամից: Օրինակ, երեկոյան այն շողում է տաք լույսով, իսկ առավոտյան՝ թարմացնող սառը լույսով:
Պահարանը կարող է համաժամացվել Mi Home հավելվածի միջոցով՝ լուսավորության ժամանակացույցը կարգավորելու և զարթուցիչը ակտիվացնելու համար: Առավոտյան պահարանը միաժամանակ արթնացնում է և՛ ձայնով՝ բարձրախոսի միջոցով, և՛ պայծառ լույսով, նմանակելով է արևածագին:
Որքա՞ն արժե այն։
8H Fun Dleep Smart Multi-purpose Bedside Table G1-ի գինը 1199 յուան է ( ~ 65 000 դրամ ): Վաճառքը կմեկնարկի 2025 թվականի ապրիլին Չինաստանում: